لازم يدور يدور …
في باله إنه واصل
في يوم لشيئ بذاته
إلهي في صفاته
إلهي في عطاه …
لازم يدور يدور …
درويش و يا ما دار
كما كوكب في مدار
إحساسه إنه فاهم
بالمعنى داري داري
بالغاية داري داري
خلاه دايما يدور …
إحساسه باليقين
ما خلهوش يشك
في إنه لجل يوصل
لازم يدور يدور …
علشان يلقى القبول
علشان يلقى الخلاص
علشان يلقى الحقيقة
علشان يلقى طريقة
لازم يدور يدور …
إيه هيئة المفازة ؟
أكيد الراحة هية
أكيد الراحة جاية
و أكيد في يوم حيوصل
و يقابل المفازة
لكن عشان يقابل
لازم يدور يدور …
و يوماتي يدور يدور
وبعد الدور يدور
و آخرة النهار
تنزاح عنه الغمامة
و يكتشف انه تور …
عبد الحميد محمد طه
9-7-2009
